OLAY RG新生高效緊緻護膚霜 & 新生肌源青春精華露 - 何止逆轉肌齡,直情逆轉護膚界!

成日都聽人講How to stay younger,試問如果唔比心機護膚又點可以保持青春呢?可惜市面上成千上萬嘅護膚產品,到底點揀至買得精明買得夠配呢?唔知幾時開要「護膚」等同要「洗錢」,市場營造了一個假像,彷彿買得越貴功效就等同越好⋯唔通真係下下都要洗幾千蚊至買到有質素又啱用嘅護膚品? 好快又到中秋了,即係話好快又要為護膚品換季了⋯亦意味住又要洗錢了⋯咁作為一個精明嘅女人⋯到底點至可以為肌膚換季同時可以Buy Smart呢? 一直有聽聞Olay以平民價錢打造貴婦級護膚品牌質量嘅產品,今次更加憑住呢支二百幾蚊就可以交手嘅RG新生肌源青春精華露去打破買得貴就係好嘅錯誤觀念,以平民價錢為大眾帶黎高質素精華露,簡直係一眾美女們今個秋冬嘅護膚救星!呢次真係何止逆轉肌齡,直情逆轉護膚界! 千祈唔好睇小呢支RG新生肌源青春精華露,佢質地水潤,非常流質⋯搽上面一推就好快被肌膚吸收,肌膚即時保濕滋潤,最重要係一啲都唔笠,感覺好舒服⋯而且仲有一陣輕輕嘅清香味,講真,我覺得佢絕對可以比美我曾經用過過千元嘅尊櫃品精華液⋯ 除左就咁搽上面,我仲試用新生肌源青春精華露配合導入機使用,用完之後除左有補濕提升肌膚嘅感覺,仲覺得有提亮肌膚效用添,毛孔仲因為飲飽水而收細左⋯咁嘅價錢,咁嘅質素⋯去邊度搵呢? 特別要讚嘅係佢個樽嘅設計真係好正!只要輕輕一扭,個樽蓋就會自動揼滿一導管嘅精華液,非常方便易用,呢個設計真係好細心,係我暫時用過最user friendly嘅精華露設計,值得一讚! 之後用埋RG新生高效緊緻護膚霜,同樣一搽就即時吸收,沒有多餘嘅油笠感殘留在肌膚上,真正做到潤而不笠,同時為肌膚加強滋潤感,望真啲,細紋真係淡化左好多,冇咁覺眼,而且皮亦即時有緊緻感! BTW,兩個產品除左早晚都用得之外,仲可以用嚟做妝前打底㗎,我就決定呢段時間先用精華露在化妝前打底,到遲下入冬就轉用護膚霜做打底⋯今個秋冬有呢兩支孖寶陪住我,相信皮膚都冇投訴啦!

Registration

登記成為會員 尊享獨家禮遇

立即登記

  請 登入發表意見

VS

VS