Olay Aquaction保濕鎖水 踢走敏感肌膚

由8月開始,Fabulous Kira一直都俾皮膚敏感問題纏繞,真係好唔開心。身為Bloggers,要試咁多唔同嘅產品,中招就少不免架啦,但搵到啱自己用嘅護膚品嘅時候,真係有千金難買心頭好嘅feelings。近排我個額頭成日都乾到勁痕,會係咁多手想R,但試用咗 Olay Aquaction系列嘅水漾肌底精華露同長效保濕凝露後,真係即時無咁痕,用咗兩日後,就無再痕添! 水漾肌底精華露個設計幾得意,我起初唔敢咁大力開,扭咗成分鐘都未開到,真心想搵人求救架啦!再用少少力,再試下扭,扭扭下,終於開到啦。我哋可以扭開個蓋後,輕輕禁頂頂粒制,咁佢就會吸啲精華入個tube到架啦。之後我哋要再輕輕禁佢,啲精華就會滴出嚟,依滴係我輕禁嘅份量。因為依個精華露有好多微分子保濕前導因子,有效做到5倍鎖水,即使份量少少,其實都足夠擦晒大大塊面同條頸。 長效保濕凝露嘅淡藍色透明膠好靚呀,好有青春氣色。Fabulous Kira真係幾欣賞佢,平時揸完好多ABC牌嘅保濕gel後,化妝時揸foundation都會捽到啲好似擦子膠碎咁嘅嘢,依個保濕凝露就唔會出現依啲情況。可能因為依個保濕凝露係直接滲透到肌底,根本上做到保濕同鎖水,所以先有咁水嫩嘅感覺啦! 痴心妄想咁FF一下,護膚品同化妝品嘅代言人都幾重要,我都想用完 Olay Aquaction系列後,好似Angelababy咁索,嫁到黃曉明咁正嘅老公。 http://blog.ulifestyle.com.hk/blogger/fabulouskira/

Registration

登記成為會員 尊享獨家禮遇

立即登記

  請 登入發表意見