開叉斷髮通通bye bye!新升級不油膩護髮素體驗

細個好多時都係用屋企人買嘅護髮同洗髮產品,Pantene都係其中一個屋企人愛用嘅牌子,其中一個主要原因當然係夠經濟,哈哈!大個咗就會想自己試下買唔同牌子嘅洗髮護髮產品,尤其是而家好多連鎖店,選擇又花多眼亂,好多日本牌子又靚又香噴噴,當然咩都想試… 最近試左一隻好出名嘅橙色大樽日本牌子嘅洗髮護髮產品,可能加上我最近染埋髮,用左一排之後好乾(哭哭)。其實乾係一個抽象嘅概念…總之就係髮尾開叉,吹頭梳頭時成日戟住,仲會扯到斷!好傷呀啲頭髮真係!就算用埋護髮膜,都仍然有呢啲問題… 頭髮一乾真係好麻煩,最慘係望落去好殘,又難造型(淚)左圖係我叫爸爸幫我影背後…我都覺得核突,頭毛好似草咁! 而細個成日用嘅品牌反而keep住升級,咁啱屋企買左新升級嘅Pantene乳液修護潤髮精華素,仲有埋同line嘅洗頭水(我慣左洗護都要同一條line,就好似內衣都要一套先開心咁,嘻嘻),即刻當晚沖涼時轉用! 同細個見到嘅一樣,潤髮精華素唧出黎果陣會覺得好有volume好潤咁,洗完頭之後用手渣乾啲頭髮(但又唔駛全乾,留返少少水令到護髮素可以乳化就最好),搽上護髮素之後用個夾夾起佢,然後沖身,沖完身先再沖走潤髮精華素,咁頭髮就有時間吸收啦。 出到黎吹頭已經feel到效果!一邊吹一邊用手指梳開啲頭髮已經覺得滑左好多,唔會戟戟下咁。吹乾之後仲會覺得有光澤左,主要係因為佢唔乾爭爭,就會有呢啲光澤架喇!頭髮感覺飽滿啲,造型都好睇啲!右邊就係今朝影嘅,感覺用左兩星期之後,幫啲頭髮執返條命仔…哈哈哈。 另外補充少少護髮貼士,就算而家涼左都好,我都係keep住日日返屋企後沖涼時洗頭。雖然流汗少左,不過每日喺街咁多灰塵污糟野,真係唔想帶埋上床瞓。同埋每日洗頭時嘅按摩,對頭皮出生出黎嘅頭髮都好好!而染髮後其實最好就去做多啲treatment,不過經濟角度,買又抵用又好用嘅洗護系列,都係一個好選擇黎架!

Registration

登記成為會員 尊享獨家禮遇

立即登記

  請 登入發表意見

VS

VS