不變油頭人@Head & Shoulders 檸檬清爽去屑洗髮

唔知大家有冇頭屑呢個問題呢?而我呢,就試過突然之間有一年,有過幾嚴重嘅頭屑問題,其實我想話,有頭屑,真係好影響個人儀容嘅,尤其係著深色衫時,d頭屑,跌咗落件去件衫時,一發現,就掃走佢,點知,之後好快又有番,真係好似吊香鬼咁,點都驅唔走!真係好煩惱的!之後唔知咩原因,頭屑又突然之間消失咗啦!所以touch mood講句,而家好彩都冇咩呢個問題困擾住我! 不過呢而家我有另一d問題嘅出現了,就係個頭成日失驚無神,都會覺得好痕!同經過日間工作嘅催殘,去到晏晝,已經feel到一頭頭油!其實我亦試過用一d深層清潔的洗頭水,但發現效果都唔係太好,想去除嘅兩個主要問題,都仲係度! 而我近排就有機會試吓 ~~~ Head & Shoulders 檸檬清爽去屑洗髮乳 佢話除咗去頭屑外,仲可以去除其他頭皮上嘅煩惱!睇吓佢係咪真係打救到我先! 一吱出嚟,真係有超醒神嘅檸檬清香味喎!由於質地較杰身,所以在手上捽勻咗,呢度嘅份量,係完全足夠我過膞嘅中長髮使用! 個質感都幾柔軟幼滑!係頭上捽咗幾吓,好快已經起泡了!仲有微涼嘅薄荷冰感,夏天用好舒適啊!個感覺超正! 使用後,我先講我比較關注嘅頭痕問題先!其實用完第一天後,第二日真係已經feel到頭痕問題解決不少了,因我好多時候一起身,有時個頭痕起上嚟,我好鐘意攞把扁梳嚟"R"吓d頭皮,但用咗Head & Shoulders 檸檬清爽去屑洗髮乳後第二天,已經冇再需要攞起把扁梳嚟"R"頭皮了! 而第二個頭油問題呢!而家就算夏天,返工經歷咗一整天嘅工作催殘後或者出街後,晚上回到家,都發現頭髮係清爽嘅,頭油真係出少咗好多!唔駛再好似以前咁做油頭人了!

Registration

登記成為會員 尊享獨家禮遇

立即登記

  請 登入發表意見

VS

VS