【實驗文】未用過都唔知,液體衛生巾原來咁無敵!

最近收到護舒寶稱為「液體衛生巾」的M巾試用,我同大家一樣都聽到O左咀…咩叫液體M巾…? 比起傳統衛生巾,呢隻護舒寶既液體衛生巾真係薄好多。打開黎睇,佢既厚度真係好似護墊咁。需知道M巾越厚,佢喺底底裡面形成既壓力就越大,成條底底又會俾M巾拉低左,變左低腰褲… 【評分一:越薄越好】 傳統 M 巾:●●●● 液體 M 巾:●●●●● 薄既好處除左唔會頂住褲仔之外,就係佢可郁動範圍大啲,可以跟隨住各位屁屁的形狀貼貼服服,咁就唔會唔自然到左擰右擰!另外最緊要係,如果果日咁啱要用長 M 巾,塊巾又硬的話,真係成日會形住佢喺後面透過個形出黎! 根據呢M 巾的厚度同埋彈性做比較,評分如下! 【評分二:彈力 pat 圍】 傳統 M 巾:●● 液體 M 巾:●●●●● M 巾最重要係乜野,就梗係吸水。見佢咁薄我都有啲唔放心,不過!用左一日,流過無盡既血之後,液體 M 巾竟然都可以吸晒佢!我用例子解釋:用 30 ml 既水量,淋落去呢兩種 M 巾度,睇下結果! 首先係傳統 M 巾,可以見到佢係完全吃不消 … 側邊已經有水漏出黎。反而液體 M 巾吸水之餘又包膠,吸得晒之餘又唔會漏出黎! 【評分三:海棉寶寶】 傳統 M 巾:●●● 液體 M 巾:●●●●● 吸水勁還勁,但吸完水之後如果個面 keep 住好濕潤,真係會令人相當難受!淋完水之後,馬上做一個紙巾印水測試!為左方便大家睇,我用左藍色既潄口水,哈哈!可以見到,液體 M 巾真係鎖晒啲水!我都唔知佢將啲液體儲存左喺邊 … 但真係咁薄都俾佢吸晒啲水!至於傳統 M 巾,除左吸唔晒啲水,仲會有濕左果種軟淋淋既不適感。 做完測試,到底咩叫液體 M 巾?其實佢真係將液體變成 solid 物料,叫做 flexfoam,用既係高壓扳術,所以佢既特性係有液體既靈活性,同時又係實實在在既物料。 咁高科技,會唔會好貴?唔同長度同流量既十片裝都只係 $30 到 $50 咋,係十片既價錢! 最後,祝大家都有 happy period!

Registration

登記成為會員 尊享獨家禮遇

立即登記

  請 登入發表意見

VS

VS