[測試] 日本熱賣Whisper Infinity液體衛生巾 香港終於有得賣啦

之前已聽過護舒寶 Whisper 出左隻 Infinity 液體衛生巾,當時諗....液體都可以做 M 巾?係咪真ga!??收到測試邀請,梗係要試下la,當收到實物,感覺好神奇,第一時間開嚟研究下la,拎上手,竟然係無重感覺,除左輕,仲勁薄,同一般綿面網面衛生巾感覺截然不同。 護舒寶液體M巾,其實已喺日本熱賣緊,佢地係經過 28 年研發而成既全球首款液體衛生巾,並且取得60項專利,以獨創FlexFoam液體材料 利用高壓技術物化液體而形成的液體衛生巾。 依傢除左日本熱賣之外,全球已有多個國家有售,並且大獲好評,當中包括:法國、意大利、 英國、比利時、 美國、日本等,咁特別既新產品,香港又點會無呢!四月中已有得賣喇,你試左未呀?但除左用料特別,將佢同其他M巾比較下,就會發現,無論材料及設計都與眾不同,為我地減輕唔少煩惱。透氣測試:我覺得佢既透薄程度,同我用開既護墊比較,有過之而無不及,將佢放喺深啡檯面,透過表層既透氣小孔,可以清楚睇到檯既顏色,以後唔方便嗰幾日,仲洗乜驚局促而要頻頻換M巾呢~吸水測試:將相同份量液體同時倒落Whisper Infinity 液體衛生巾及其他牌子衛生巾,以進行吸水測試。Whisper Infinity M巾,雖然超輕薄,但擁有10倍吸收力,佢專利雙層超吸材料, 液體快速吸收,吸水度高而快,只係短短30秒,表層液體顏色已明顯變淡,相反另一牌子衛生巾目測已覺得好厚,濕笠笠咁,30秒後仍分別不大。彈力測試:經期期間,我勁驚因衛生巾變形而出現滲漏既尷尬情況,所以會頻頻換M巾,但有時出外景,周圍都無洗手間,搞到個人非常煩燥!所以彈力測試,係我極為重視既一環。首先,我用力緊握Whisper Infinity 液體衛生巾及其他牌子衛生巾各10秒,放開後, Whisper Infinity 液體衛生巾好快就回復原形,而另一牌子衛生巾,放開後,仍然係一舊咁,邊隻彈力強D,唔洗我多講la~

Registration

登記成為會員 尊享獨家禮遇

立即登記

  請 登入發表意見

VS

VS